Chak taka kawng siam turin ngen

Mizoram Merchant Association (MIMA) chuan, Kawnpui-Sairang kawng chhia avangin sumdawnte an mangang tih sawiin, an manganna hriaa kawng chhia chu a chak thei ang bera siam tur leh, kawng siam nan a theih ang ang sum pawh pawt khawm mai turin Mizoram sorkar leh NHIDCL an ngen.

MIMA chuan thuchhuah siamin, kumin fûra Kawnpui-Sairang kawng chhe lutuk avangin sumdawngte bungrua thla 2/1 chhung kawng lakah tangkhangte a awm tawh tih an tarlang a, "Mi ṭhenkhatte bungrua phei chu chhia tam tak a awm phah a, a ṭhen chu Guwahati lama phurh lêt a ni. Motor kal man Rs 40,000 - 50,000-in a to a, sumdawngte kan mangang tak zet a ni," an ti.

Hetih lai hian MIMA chuan sumdawngte chu Mizoram mipui hmakhua ngai a, bungraw phurh man a to avanga thil man tihto loh theih loh a nih rualin, a theih chinah titláwm hrâm turin an ngen bawk.