Storytelling Competition buatsaih

July 29, Thawhlehni khan Mamit DC Confe-rence Hall-ah thawnthu insawisiak, District Level Storytelling Competition buatsaih a ni a, nimin khan Hnahthial DC con­ference hall-ah buatsaih a ni bawk.

Hnahthial district-a mite tana intihsiakah mi 10 an tel a, Darzo tlang chanchin sawitu Dr K Lalzuimawia pakhatna a ni. Thawnthu insawisiaka sawi turin Hnahthial district-a hmun pawimawh - Lalnu Ropuiliani thlân, Khawhthlasang, Leite, Phunhnawma lungpui, Darzo tlang leh Kawrlungtuk te thlan a ni.

Mamit district-a mite tana thawhthu insawisiakah mi 15 an tel a, Ailawng chanchin sawitu Rodinsanga, Mamit pakhatna a ni.

District-a pakhat­nate hi August 8, 2025-a Mizoram pum huap Storytelling Competition-ah an tel dawn a ni.