MLA pathumin kawng siam vil

ZPM Legislature Party-in an rel tawh angin, Kawnpui-Sairang inkara national highway kawngpui chhe zual lai thawm ṭhat mek chu nimin khan ZPM MLA pathum - deputy speaker Lalfamkima, TBC Lalvenchhunga leh Lt. Col. Clement Lal-hmingthanga ten an vil.

Thu dawn danin, Kawnpui-Sairang inkarah police dah a ni a, PWD Chief Engineer, Superintending Engineer (Highway) leh official dangte'n a hmunah riah chilhin, thawm ṭhat hna an thawk mek zel a ni. Kawng siam nan hian Mizoram chhung leh páwn lam aṭangin PWD leh NHIDCL ten lung leh khawlte an la lut mek zel bawk.