Mizoram DGP tharin a hna a zawm

Mizoram Director General of Police (DGP) thar Sharad Agarwal, IPS chuan July 30, Nilaini khan Police Headquarters (PHQ)-ah a hna thar a zawm a; PHQ-a thawkte'n urhsûn takin Guard of Honour nen an lo dawngsawng.

Sharad Agarwal hi January 6, 1973-a piang niin, Uttar Pradesh mi a ni a, IPS 1997 batch AGMUT cadre a ni. Thiamna lamah IIT-Delhi aṭangin M. Tech (Water Resources Engineering) a zo a, LLB a zo bawk.

IPS a zawm hnuah CBI-ah hna hrang hrang a thawk tawh a, police-ah Puducherry, Goa, Andaman & Nicobar Islands leh Delhi-ahte a thawk tawh. Delhi Police-ah special commissioner (Economic Offences Wing) a nih laiin Mizoram DGP atan ruat a ni a, DGP kal chhuak Anil Shukla a thlak. Sharad Agarwal hian police chawi­mawina pathum a dawng tawh a ni.