Myanmar-ah Covid-19 vei Mizo thi

Yangoon, Myanmar-a Presbyterian kohhran upa, Hmangaiha chu nimin chawhma dar 11:30 vel khan Covid-19 natna vangin a thi a, nimin vêk khan a ruang hâl ral nghal a ni.

Myanmar aṭanga Vanglaini thu dawn danin, Hmangaiha hi Covid-19 a vei avanga damdawi-ina enkawl a nih laiin a thi a, damdawi-inah vek kohhran upa pakhatin a vui a, a vuinaah hian a chhungte pawh tel phal a ni lo. Sorkar ruahmannain a ruang hâl ral a ni a, a vâp pawh lâk phal a ni lo.

Hmangaiha fate zinga mipa pakhat pawhin Covid-19 a vei a, damdawi-inah enkawl mek a ni. A nupui leh a fapa dang pakhat chu endiknaah Covid-19 vei loa hmuh ni mah se, khung hran mek an ni.