Mumbai Mizoram House sak chungchang sawiho

Chief Ministers secretary Vanlaldina Fanai, General Admini-stration Department (GAD) secretary ni bawk chuan July 30, Nilaini khan Mumbai-ah Mumbai Mizoram House sa tura rawih tawh ṭhin US Roofs Limited hotute a kâwm a, Mumbai Mizoram House sak chhunzawm dan tur

a sawipui.

Sorkar thuchhuah tarlan danin, Mumbai Mizoram House sakna tura inremna hmasaah Mizoram sorkar chan tura tih chu a ṭha tâwk loa hriat a nih avangin chief minister Lalduhoma'n July 15, 2024 khan Mumbai Mizoram House satu contractor thlak tum a nih thu a puang a; US Roofs hian inbiakna thar neiha an hna hmabakte chhunzawm leh an dil a ni. An dilna hi sorkar chuan a ngaihtuah a, Mizoram sorkar chan ṭha zawk tura inremna thar siam tumin hmalak a ni.

Vanlaldina Fanai hi Mumbai Mizoram House deputy resident commissioner H Lalruatliana'n a ṭawiawm a; Mizoram House tur chu chhawng sang zawka sak dan tur leh rang zawka sak dan tur sawiho a ni.