SBI-in bank dâwrtute an ngen
State Bank of India (SBI) chuan, inkhârkhip mek a ni chungin mipui mamawhna vangin bank-a thawkte an châwl lo a, an hun pangngaiah bank hrang hrangte hawn ṭhin a nih thu an tarlang a; chutih rualin, bank dâwrtute chu fimkhur tur te, mi hnaiha awm lo tur te, hmai tuamna vuah tur leh kut silfainate hmang ngei turin an ngen.
SBI hian Mizorama an thawktute'n an thawh khawm Rs. 7,00,000 chu nimin khan Chief Minister's Relief Fund-ah an thawh a, Mizorama SBI-ah thawktu mi 300 vel an awm.
SBI chuan, Mizorama inkhàrkhip ṭan tirh lamah CM Relief Fund-ah sum thawh an tum laiin, Mumbai-a SBI Corporate Office-in PM Cares fund-ah cheng vbc. 100 chhùn luh vat a duh avangin SBI-a thawk zawng zawngte'n an ni hnih hlawh an thawh bakah, SBI Foundation-ah eng emaw zat an thawh hmasak avangin CM Relief Fund-ah sum an thawh tlai tih an tarlang a ni.