Pawl 7-in thisen unit 389 an pe

August 2, Inrinni khan Mizoramah thisen unit 389 pek a ni. Civil Hospital, Aizawl tan ṬKP, Luangmual Bialin unit 94 pein, petute mipa 79 leh hmeichhia 15 an ni a; Mizoram Gorkha Youth Association (Central)-in unit 77 pein, petute mipa 75 leh hmeichhia pahnih an ni. Zomi Inkhuan member mipa 16 leh hmeichhia pariatte'n unit 24 an pe bawk.

ṬKP, Bawngkawn Bialin Synod Hospital thisen unit 84 pein, petute mipa 77 leh hmeichhia pasarih an ni a; Salvation Army Youth Central South Division-in ZMCH tan unit 43 an pe a, petute mipa 34 leh hmeichhia pakua an ni. ṬKP, Leite bialin Civil Hospital, Lunglei tan unit 44 pein, petute mipa 40 leh hmeichhia pali an ni a; ṬKP, Lawngtlai Vengpui Unit leh Zion Unit ten Lawngtlai district Hospital tan unit 23 pein, petute mipa 18 leh hmeichhia panga an ni.