Lawngtlai kawng Bualte daiah a ping

National Highway Hrangchalkawn-Lawngtlai chu August 2, Inrinni zing khan Bualte daiah a min a, lirthei kal theiah tihtlang a nih hnuah chhunah nasa takin a min leh a, nimin tlai thleng khan lirthei kal theiha tihtlang a la ni lo.

Leimin hian lei laihna khawl (Hitachi) kawng thlangah a hnâwl liam a, a khalhtu (operator) a zuanthlak hman avangin thi leh hliam an awm lo. Leimin avang hian Lunglei lam leh Lawngtlai lamah lirthei eng emaw zat an tangkhang a, Bualte YMA-in an buaipui a, bialtu MLA Lalramliana Papuia'n Bualte YMA hnenah an mamawha an hman turin Rs 10,000 a pe a ni.