Saitualah leiṭha chungchang sawiho

Saitual District Vigilance Committee on Fertilizer chu an chairman Dr Lalngura Tlau, district bawrhsap kaihhruaiin nimin khan an ṭhukhawm. Bawrhsap chuan, Mizoramah Agriculture department hriatpui loha nasa taka leiṭha (fertilizer) hralh a ni ṭhin chu pawi a tih thu a sawi.

Dr Lalngura Tlau chuan, fertilizer chu India ramin a siam chhuah tlem avangin ram dang aṭanga lak luh a ṭul ṭhin thu a sawi a, "Directorate of Agriculture-te hriatpui loh hian Mizoramah nasa takin fertilizer hralh a ni ṭhin a, a pawi hle. Fertilizer hi ram mipui tana ṭangkai tak leh ei leh bar nghawng pawimawh a nih avangin control a ngai. Fertilizer hi a nih loh dan tura a kal nasat chuan ram hmasawnnain a tuar thei a ni," a ti.

Ṭhutkhawmah hian fertilizer inspector Lalrindiki'n fertilizer sem chhuah dan tur an dawn dan a tarlang. Taxation aiawhte’n dealer's registration an tih dante an sawifiah a; dealer-te joint inspection neih dan tur rel.

Saitual district-ah hian fertilizer dealer panga an awm thu te, chung zinga pali chu hmun danga mi an nih thu leh, dealer-te chu retailer an nih tel nghal vek thu tarlan a ni.

Mizoram district tina fertilizer chet vel dan leh retail dealer chungchang chu August 15, 2025 ral hmain Chief Secretary hnenah theh luh tur a ni.