Damdawi-in 4-in NQAS an hmu thar

Mizorama primary health centre (PHC) pahnih leh urban primary health centre (UPHC) pahnih chu India rama sorkar damdawi-in ṭha tehna, National Quality Assurance Standards (NQAS)-ah an tling thar.

National Health Mission (NHM) mission director Dr Lily Chhakchhuak hnen aṭanga thu dawn danin, NQAS National Certificate hmu tharte chu - Khawlailung PHC, Bairabi PHC, Lawipu UPHC leh Sihphir UPHC te an ni a; NQAS tehnaah Sihphir UPHC-in 93.93%, Khawlailung PHC-in 93.84%, Lawipu UPHC-in 93.63% leh Bairabi PHC 84.89% an hmu a ni.

Heti hian Heti hian Mizorama sorkar damdawi-in 41-in NQAS national certificate an hmu tawh a; chung zingah chuan PHC 28 keh UPHC panga an tel. Sorkar damdawi-in 18-in state level certificate an nei tawh a, national certificate result nghak mek pathum an awm bawk.

NQAS national certificate hmu tur hian endikna chhawng thum paltlang a ngai a, a tawp bera endikna chu National External Assessment tih niin, hetah hian 70% aia hniam lo hmuh a ngai a ni.