PE Minister-in power sub-station a enfiah

Power & Electricity minister F Rodingliana chuan nimin zing khan Lunglei Sazaikawna Power Sub-Station a tlawh a; bialtu MLA T Lalhlimpuia leh PE department hotute nen Sub-Station tihchangtlun dan tur an sawiho.

Sazaikawna Power Sub-Station hi Hauruang, Vanhne tlangdung, Vaisam leh Lunglei West huam chhunga vengte châwmtu a ni a; a châwm khua/veng ten kawlphethaa harsatna an tawh te, line leh khawl mamawh leh tihchangtlun ṭul te, harsatna phuhrûkna tur leh tiziaawm tura department aṭanga ruahmanna awmte leh ṭha zawka hmalak dan turte sawiho a ni.

PE Minister hi Lunglei West bialtu MLA T Lalhlimpuia, Lunglei Municipal Council vice chairman K Lalrinawma, Ward-5 councillor Zonun-mawii, PE department hotu te, Rahsi Veng leh Sazaikawn khawtlang hruaitute'n

an ṭawiawm.

Minister F Rodingliana hian Kawmzawla Power Sub-Station pawh a tlawh a; Commerce & Industries department hnuaia Integrated Infrastructure Develop­ment Centre, Pukpuiin kawlphetha a mamawh phuhruk tura transformer dah belh dan tur a en bawk.