Lirthei tlûk theihna tur khawpa chhia a awm tawh lo - ZPM Ṭhalai

ZPM Ṭhalai chuan thuchhuah siamin, Kawnpui-Sairang inkar kawngpui chhe lai siam tura Mizoram PWD leh tlawmngai pawlte'n hma an la chu lawmawm an tih thu leh, tunah chuan lirthei tlûk theihna tur khawpa khuar chhia a awm tawh lo nia an hmuh thu an tarlang.

ZPM ṭhalaite chuan, Kawnpui-Sairang kawng chu NHIDCL hnenah hlan ni tawh mah se, a chhe lai siam kawngah PWD-in hma an la zui zel tih an sawi a, "PWD minister Pu Vanlalhlana leh PWD E-in-C H Zoramliana ten riah chilh meuhin an vil a ni," an ti.

Nimin khan kawng chhia siam hnatlangpui koh a nih thu sawiin ZPM ṭhalaite chuan, "Sairang, Khamrang leh Mualkhanga tlawmngai pawl hrang hrangte hnatlangin an chhuak. PWD leh tlawmngai pawl hrang hrangin theihtawp chhuaha kawng an siam laia a him chin aṭanga lo thlir ringawttu nih chu thil ni theiah kan ngai lo a, kan theih ang tawk ti ve turin kan president, South Tuipui bialtu MLA Pu Jeje Lalpekhlua hoin ZPM Ṭhalai member-te hnatlangin kan thawk chhuak a ni," an ti bawk.