Mizo Territorial Army tur November 2025-ah lak tum

Mizo Territorial Army awmna hmun tur ngaihtuahtu Coordination & Land Search Committee chairman Lt.Col. Clement Lalhmingthanga, MLA kaihhruaiin nimin khan Secretariat conference hall-ah sorkar hotute an ṭhukhawm a; kumin November 2025-ah Territorial Army tur lak theih beisei a nih thu an tarlang.

Ṭhutkhawmah hian Mizo Territorial Army tur lak dan tur leh an awmna hmun tur chungchang rêl a ni a; Mizo Territorial Army awm lailawkna tur chu Bung Banglaah siam mek a nih thu te, a hmunpui tur uluk leh zau zawka en tura ruahman mek a nih thu te, sipai lakna chu November 2025-ah buatsaih tura beisei a nih thu te, a bul ṭan nan Mizo hlang awmna company pahnih din phawt tura ruahman a nih thute sawi a ni.

Meeting-ah hian Home department, Finance department, Sainik Welfare & Resettlement, Land Revenue & Settlement department, PWD, PHE department, Power & Electricity department, IPR department, General Administration department leh Mizoram Youth Commission hotute an tel.