Tlawnga lut tura paih khap

Aizawl district magistrate Lalhriatpuia chuan thupek chhuahin, Aizawl district-ah leivûng, lung nawi (stone dust), plastic aṭanga thil siam leh bawlhhlawh chi hrang hrangte Tlawng luia luang lut tura paih leh thehthang phal a nih loh thu a tarlang. Thupek zâwm lote chu dan hmanga hrem theih an ni.

Sorkar thuchhuah chuan, Aizawl khawpuia chengte tui lakna ber Tlawng luia lut turin leivûng, plastic ip leh ûm ruak te, in sak leh ṭhiahna hnâwm ṭawih thei lo leh mihring ek leh bawlhhlawhte paih a tam thu a tarlang a, "Humhalh loha hnawmhnawk chi hrang hrang kan paihte Tlawngah a luh zel chuan nasa takin kan hriselna a pawi zawngin a la nghawng dawn a ni," a ti.