Lunglei Civil Hospital-ah damlo dah luh belh a theih rih loh

December 31, 2020-a Civil Hospital, Lungleia damlo dah luh thar pakhat chu Covid-19 vei a ni tih hmuh chhuah a nih avangin damdawi-in thuneitute chuan an kal zel dan tur an ruahman a; ruahmanna thar a awm hma chuan damlo dah luh belh a rem rih lo tih an tarlang.

Civil Hospital, Lunglei Medical Superintendent-in hriattirna a tihchhuah danin, an damdawi-ina awm lai Covid-19 positive hmuh thar chu State Referral Hospital-ah thawn nghal a ni a; damlo nena inkaihhnawihna nei damdawi-ina thawkte chu khung hran vek tawh an ni.

Hetih lai hian, Casualty chu January 1, 2021-ah phuh thianghlim a nih tawh avangin, vawiin zing dar 9 aṭangin hawn ṭan leh tura ruahman a ni.

Lunglei Civil Hospital ruahmanna

1.    Covid-19 damlo hi a serious avangin December 31, 2020 zan là lâ hian ZMC-ah dah phei nghal a ni.

2    Covid-19 damlo nena inkaihhnawihna nei hospital staff quarantinne ngaite quarantine vek an ni.

3.    Thu leh awm hma chuan Medicine Ward-a damlo awmpuitute in lamah haw loin ward-ah awm tur a ni a, damdawi-in chaw an ei ve ang.

4.    Casualty hi January 1, 2021-ah tihthianghlim a ni a, January 3, Pathianni zing dar 9 aṭanga hawn leh tura ruahman a ni. Casualty khar a nih chhung hian loh theih loh thil Medico legal case-te chu casualty on call doctor-te'n screening point-ah an attend ang.

6.    Laboratory leh ECG room-te tihthianghlim mek a ni a, thu leh awm hma chuan khâr a ni.

7.    Thu leh awm hma chuan damdawi-inah damlo admit thar a rem rih lo.

8.    Medicine, Geriatric, Oncology (Cancer) leh Surgery doctor-te quarantine an nih avangin thu leh awm hma chuan heng OPD-te hi khâr a ni. OPD dang chu a pangngaia hawn tur a ni.

9.    Truenat laboratory leh blood bank chu Covid damlo nen an in contact loh avangin a pangngaia hawn zel a ni.

10.    Loh theih loh thila inentir turte chu fimkhur thei ang bera awm turin kan inngen a ni.