Kawng chhe ber lai thawm zo hnai

NH-06 Kawnpui leh Sairang kawnga chhe laite thawm ṭhat mekah kawng chhe nasa lai ber leh khawih harsa lai ber nia ngaih Zoram Mega Food Park, Kham­rang bul kawngpui chu nimin khan siam a ni a, nimin vek khan siam zawh hman beisei a ni.

Kawng chhe zual lai hi metre 100 vel a ni a, nimin chawhnu dar 2 thleng khan metre 80 chu lung (boulder) hmanga hnawh khah a ni tawh. Excavator pahnih, vibratory roller pakhat leh grader pakhat hmangin siam a ni a, kawng sir tawn tawnah tuihâwk luankawr (side drain) ṭha taka hai fai nghal a ni.

Kawngpui thawm ṭhat hna thawktu NHIDCL leh contractor-te'n Kawnpui-Sairang kawngah one way-a lirthei tlantir an inhuam tawh angin, nizan dar 6 aṭang khan ni tin mamawh phur lirthei, truck ke 10 nei chin chhuahtir a ni a, ke 12 neite chhuahtir thuai tum a ni bawk.