Sept. thla aṭangin ruihhlo rawn lut dan chah beihpui thlak dawn

Nimin chawhnu lam khan Home minister K Sapdanga hoin a pisaa thuneitute ṭhukhawm chuan, Mizorama ruihhlo hluar zel dona leh venna atana beihpui thlak dan tur an rêl.

Sawihonaah hian Home department leh Excise & Narcotics department hotute leh Central YMA hruaitute an tel a, Home Minister-in a kaihruai. Mizoramah ruihhlo do beihpui thlak an rêl a, kumin September aṭanga December thla thlengin Mizoram páwn aṭanga ruihhlo rawn lut zawng zawng dan chah a nih theih nan theihtawp chhuaha beihpui thlâk an rêl a ni.

Ṭhutkhawma telte chuan ram leh hnam a him nan ruihhlo beihpui thlak tum chu ṭawiawm turin mipui an sáwm a ni.