KMMTTP nghawng zirtu tur din

Kaladan Multi Modal Transit Transport Project (KMMTTP)-in kawng hrang hranga nghawng a neihte zir chiangtu tur Mizoram sorkarin a din a, member turte a ruat bakah, mawhphurhna leh tih turte a siam nghal.

Planning & Programme Implementation department-in hriattirna a tihchhuaha a lan danin, Mizoram sorkarin 'Committee to Study the Socio Cultural and Economic Impact of the KMMTTP' a dinah hian chairman chu Lunglei West bialtu MLA T Lalhlimpuia a ni a; Planning Secretary chu co-chairman niin, Planning additional secretary chu member secretary a ni.

Member paruk an awm a; Rural Development Secretary, Commerce & Industries Secretary, Art & Culture Secretary, District Council & Minority Affairs Secretary, Finance Secretary leh Pollution Control Board member pakhat an ni.