Tourism-ah thawhhona thuthlung ziak

khan Mizorama tourism lama hmasawnna atana thawhhona turin Tourism department leh Ministry of Railways hnuaia Indian Railway Catering & Tourism Corpo-ration (IRCTC) chuan nimin thuthlung an ziak.

Thawhhona thuthlung hian nasa lehzuala Mizoramin tourism lama hmasawn theihna tura hmalak te, khualzinte awlsam zawka an inkalpawh theih nan te, awmze nei zawka khualzinte hmunhma an tlawh tur an tlawh theihna atan te, an hmun tlawh turte an duh dan mila duan bakah, khualzin tam zawkin Mizoram an tlawh theihna atana hmalakte leh thil dangte a tel.

IRCTC hian Mizoram hmunhma mawi leh tlawh tur awmte tour package-a siamin zau zawka khualzin hîp theih nan hma an la dawn a; man man zawka tlawh theihna tur outbound tour package-te an siam dawn a ni.

Sorkar thuchhuah tarlan danin, thuthlung ziah hi Mizoram tourism mai bakah a ram mipuite tan méllung pawimawh tak tur a ni a; khawvel hmun zau zawka Mizoram pho chhuahna leh khualzin tam zawk neih theih nana min thlun zawm tura hna thawktu tur a ni.

IRCTC hian Mizoram mipuite khawvel hmun zau zawk nena thlun zawm turin October 2025 chhungin Special Tourist Train rawn luhtir an tum thu an sawi.