Chhiahtlang HSS building thar hawng

Minister PC Vanlalruata chuan nimin khan a bial, Tuikum chhunga Chhiahtlang Higher Secondary School building thar a hawng.

PC Vanlaruata chuan, sikul chu khawltang tana ṭhahnemngai tak takte zar a hlawhtling thei a nih thu sawiin, "Khawtlang hruaitu khawtlang hmangaihtu tak tak kan nei hi ka lawm hle. Bialtu MLA hmasain tih tak zetin a vei a, school din a nih theih nan hma a lo lakna zarah school ṭha tak kan nei thei a ni," a ti.

Zirna a ṭhat loh chuan mipuiin an tuar ṭhin tih sawiin Vanlalruata chuan, "Zirlaite'n zirna ṭha an dawn loh chuan ram hmabak a thim. Education a ṭha tur a ni a, ram hmabak hriltu a nih avangin mi zawng zawngin zirna ṭha kan ngai pawimawh tur a ni," a ti. Economic policy thar kalpui mek a nih thu sawiin, "Mizoram sorkar pawhin zirna ṭha kan neih theih nan hma chak takin a la a, mipui pawhin sorkar school kan rin ngam a pawimawh," a ti bawk.

Inkhawm hi Chhiahtlang HSS Managing Board chairman H Lalrawngbawla'n a kaihruai a; Tuikum bialtu MLA hlui Lalrinawma pawhin a hmanpui a ni.