CADC MDC by-election-ah ZPM candidate thlan tlin a ni

Chakma Autonomous District Council (CADC) Kamala-nagar West bialah August 6, 2025 khan MDC by-election neih a ni a, nimin khan vote chhiar niin, ZPM candidate Dineshmoy Chakma thlan tlin a ni.

Mizoram State Election Commission bultuma CADC Kamalanagar West MDC by-election-ah hian thlan tlin tak Dineshmoy Chakma chuan vote 724 hmuin, amah hnaih bertu chu vote 9-in a hneh a; ZPM ticket-a CADC MDC atana thlan tlin hmasak ber a ni.

BJP candidate-in vote 715, MNF candidate-in vote 74 leh Indian National Congress candidate-in vote 21 an hmu a ni.

CADC inthlanpui hnuhnung ber kha kum 2023 neih a ni a, Governor-in a thuhnuaiah (Governor's Rule-ah) a dah mek. Hetih lai hian, ZPM party hruaitute chuan, tunah hian CADC-ah tun by-election-a thlan tlin tak nen ZPM-in MDC 17 an nei mek a, sorkar siamna khawpa tam an neih thu an sawi.