KHAWTHLIR

Thisen pe

Pentecostal Youth Department (NEI), Aibawk Bial chuan nimin khan Zoram Medical College & Hospital tan thisen unit 30 an pe a, petute mipa 21 leh hmeichhia pakua an ni.

Heroin & zial man

Assam Rifles sipaite chuan nimin khan Champhai Tlangsam huam chhungah H Ramengmawia leh Zosangliana hnen aṭangin ram dang meizial, cheng nuai 96.2 hû an man. Foreign cigarette an mante chu - XSO Black Fruit báwmpui 20, ORIS Blue báwmpui panga leh ORIS Silver báwmpui 49 a ni. AR sipaite chuan Police nen ṭang dunin August 6 khan Champhai Police check gate-ah mi pakhat hnen aṭangin heroin kg. 1.053 an man bawk.

Lokayukta pisa

Mizoram Lokayukta office chu Temple Square, Tuikual South aṭangin Mizoram New Capital Complex (MINECO)-a Urban Resource Centre basement-II ah sawn a ni. Mizoram Lokayukta dawr turte tan pisa tharah hian August 11, 2025 aṭangin dawr theih a ni ang.

Faina intihsiak

Clean Aizawl City Media Sub Committee-in faina campaign atana 'Faina mi tin mawh' tih thupui hmanga video tawi insiamsiak a buatsaiha ti ṭhate hnenah nimin khan lawmman sem a ni. Elim group pakhatna an ni a, Vulchûk pahnihna niin, Unicorn Drama Club pathumna an ni. Clean Aizawl City hian Aizawl faina, mawina leh thianghlimna turin hma an la a, sikul leh kohhran hrang hrang sunday school-ahte faina chungchang an zirtir ṭhin a, faina hnatlangte an huaihawt ṭhin bawk.

MCAB-in loan nuai 5,100 pek remti

Mizoram Cooperative Apex Bank Board of Directors chu nimin khan an chairman Lalnunsanga hoin an ṭhukhawm a; loan hrang hrang - Handholding, society, kohhran leh mimal loan dilna 116 pek an remti. Loan pek an remtihte hi biak-in sakna loan cheng nuai 2,660 leh loan chi hrang hrang dang cheng nuai 2,440 a ni a, a vaiin cheng nuai 5,100 a ni.