SRH-ah mi 7 oxygen pe mek

State Referral Hospital-ah nimin tlai dinhmun angin Covid-19 vei mi 23 ankawl mek an ni a, an zingah oxygen pek mek mi pasarih leh ventilator hmanga enkawl mi pakhat an awm.

Nimin tlaia chhuak SRH-ZMC Bulletin tarlan danin, SRH-ah hian niminah Covid-19 vei dah luh belh an awm lo a, mi pakhat - naupang kum 11 mi chhuahtir a ni thung. Enkawl mek mi 23 zinga pali chu ICU-ah an awm a, pakhat chu ventilator hmantir niin, pathum dang pawh oxygen pek mek an ni. Isolation ward-ah mi 19 an awm a, an zinga pali chu oxygen pek mek an ni bawk.

Hripui vei vanga SRH-ZMC-a enkawl mek zingah hian kum 60 chung lam panga leh naupang kum 14 hnuai lam pathum an tel a; January 2, Inrinni khan Covid-19 positive pakhat chuan nau a hring a ni.