PWD leh CYMA-in thawhhona an ziak

Nimin khan PWD conference hall-ah Public Works Department leh YMA chuan Mizoram kawngpuite a ṭhat zawk theihna turin thawhhona thuthlung an ziak a; thuthlung an ziah ṭum thumna a ni.

Thawhhona thuthlungah hian PWD aiawhin engineer-in-chief H Zoramliana leh chief engineer (Planning) C Lalthlamuanite'n hming an ziak a, YMA aiawhin Central YMA president Lalhmachhuana leh general secretary Prof. Malsawmlianate'n an ziak.

PWD leh YMA hian thawhhona thuthlung hmasa ber chu June 14, 2018 khan an ziak a, a ṭum hnihna chu chu July 14, 2022 khan ziah leh a ni. Tun ṭuma thawhhona thuthlung hi kum 3 chhung atan a ni dawn a, August 8, 2025 aṭanga August 2028 thleng a ni ang.