Kolasib district-ah ruihhlo vangin mi 741 man, thubuai 710 ziak lut

Kolasib District NCORD chu August 7, Ningani khan an chairman Robert C Lalhmangaiha, bawrhsap kaihhruaiin an ṭhukhawm. Kumin May thla aṭanga August 7 thleng khan Kolasib district-ah ruihhlo chi hrang hrang kaihhnawihah thubuai 710 ziah luh niin, mi 741 man an nih thu tarlan a ni.

Ṭhutkhawma tarlan danin, Kolasib district-a police-te'n May 1, 2025 - August 7, 2025 chhungin heroin gram 97, sapzu litre 5,706.11 leh beer litre 789.5 an man a; heng ruihhlo man kaihhnawihah hian mi 15 manin, thubuai 13 an ziah lut.

Hemi chhung vek hian Excise & Narcotics department-in chuan heroin kg. 2.650, ganja kg. 2.5 leh methamphetamine kg. 2.9 an man a; sapzu leh rakzu tam tham tak an man bawk. Ruih theih thil man kaihhnawihah mi 29 manin, NDPS Act hnuaiah thubuai 11 an ziak lut a, MLP Act hnuaiah mi 697 manin thubuai 697 an ziak lut a ni.

May 1, 2025 hnu lama Kolasib Police leh END ten ruihhlo chi hrang hrang kaihhnawiha an man zawng zawng chu mi 741 an ni a, thubuai 710 ziah luh a ni. Ruihhlo kaihhnawihah lirthei 13 an man bawk.