Lungsen RD Block-a hmalak dan New Delhi-ah zirho a ni

Nu leh naupang hriselna lama hmasawnna tura hmalakna Project BLOOM chungchang August 7, Ningani khan Vigyan Bhawan, New Delhi-ah zirho a ni a; zirho tura thlan zingah Mizorama Aspirational Block pakhat - Lungsen RD Block a tel.

NITI Aayog hnuaia Aspirational district 329 leh block 500 hnuaia hmalakna ṭha zual zirhona, Best Practices Seminar-ah hian aspirational block ti ṭha zual 19-tea hmalak dan zirho a ni a, block 19 thlan zingah Lungsen Block a tel a ni. Zirhonaah hian Lunglei district bawrhsap Navneet Mann chuan Lungsen Block-a Project BLOOM kalpui dan a sawifiah a ni.