Tlawng luia nula tla zawng mek

Lalsiamthari Sailo (33) d/o Zoramchhana Sailo (L), Bungkawn, Aizawl chu August 7, Ningani zan dar 11:30 vel khan Sihhmui kai Tlawng lei bul aṭangin Tlawng luiah a tla a, nimin tlai lam thleng khan a ruang hmuh a la ni lo.

Thu dawn danin, Lalsiamthari hi a ṭhianpa nen August 7 khan two wheeler-in Lengpuiah an kal a, zanah Aizawl panin an haw a, Sihhmui lei an pelh chiahah kawng chhe deuh laiah an tlu a, a ṭhianpa nen chuan inhauin, a kalpui pa chuan a hawsan a ni.

Lalsiamthari hi Tlawng lei bula PWD vênbûka riakte'n chaw an eitir a, chaw a ei kham, kut sil tura luhkáa a chhuak chu luhkaa tlak dâl rangva tun delh chimin, luiah a tla thla ta a ni. Vênbûk nghaktu mi pahnih chuan an ûm zui nghal a, an chhan hman lo. Sihhmui YMA lam an pun zui a ni.

Lalsiamthari hi nimin khan Sihhmui leh Bungkawn khawtlang bakah, Central YMA Disaster Response Team ten an zawng a, hmuh a la nih loh avangin zawn mek zel a ni.