Kawng siam mek an enfiah

Minister of state F Rodingliana, MLA Lt. Col. Clement Lalhmingthanga leh PWD hotute chuan nimin khan Kawnpui-Sairang inkar kawng chhe lai thawm ṭhat mek an vil. F Rodingliana chuan, kawng siam hna chak zawk leh ṭha zawka thawh dan tur PWD leh NHIDCL hotute a sawipui.

F Rodingliana hian NHIDCL hotu liante phone hmanga biain, fûrpuiin Mizoram châk lakna kawng pawimawh ber a tihchhiat vanga mipuite'n harsatna an tawh mek chu sutkian vat a nih theih nan sorkar leh NHIDCL-te an thawhho ṭhat a pawimawhzia a hrilh a; hmabak la awmte chak zawka thawh dan tur a sawipui a ni.

Kawng chhe zual lai thawm ṭhatute'n theihtawp chhuaha hna an thawh avangin kawng dinhmun pawhin hma a sawn viau thu sawiin, zaninah motor tangkhangte tlangtir theih a beiseiawm thu a sawi bawk. Nimin khan kawng lakah lirthei tangkhang 200 vel a awm a ni.