MYC hnuaia training zote thlah

Mizoram Youth Commission (MYC), Honda India Foundation leh Visan Foundation te ṭang ho chuan Project Buniyaad Hotel Management (Food & Beverages) training phase-II an buatsaih a, batch 1 & 2 training chhuakte thlahna hun August 7, Ningani khan MYC Auditorium-ah hman niin, mi 66 hnenah certificate hlan a ni.

Training zo mi 66-te chu India ram hmun hrang hranga hotel 10 - Park Hyatt (Chennai), Regency Hyatt, (Chennai), The Ritz Carlton (Pune), Raj Park Hotel (Chennai), Foodlink (Delhi, Mumbai, Ahmedabad), Olive Bar & Kitchen (New Delhi), Hindustan Hotel (Bhubaneswar) leh Hotel Lakened (Udaipur)-ahte an thawk dawn.

Project Buniyaad Phase-II hi kalpui mek a ni a; Lunglei leh Champhaiah batch 3 & 4 kalpui mek niin, Aizawlah batch 5 & 6 atan dilna hawn mek a ni.