Mumbai Mizoram House thar tur CS-in a bawhzui

Chief secretary Khilli Ram Meena chu Mumbai-ah a zin mek a; Mumbai-a Mizoram House thar sak chungchang a bawhzui bakah, Mizoram House-a thlengte a tlawh kual.

Khilli Ram Meena hian Maharashtra chief secretary Rajesh Kumar Meena chu a chenna inah kâwmin, Navi Mumbai-a Mizoram House thar din tum chungchang a sawipui a ni. Maharashtra Chief Secretary hian CIDCO Managing Director chu phone hmanga be nghalin, Mizoram sorkarin extension permission dilna a thehluh tawh chu a rang lama en zui turin a hrilh.

Mizoram Chief Secretary chuan, TATA Memorial Hospital leh Mizo cancer veite inkara thawhhona ṭha a awm a pawimawh thu a sawi a; Maharashtra Chief Secretary chuan, TATA Memorial Hospital thuneitute hnenah a ṭul anga ruahmanna siam turin a lo ngen tur thuin a chhang a ni.