LMC-in ULB sum hman dan tur rêl

Lunglei Municipal Council (LMC) Board of Councillors (BoC) chu tun hnai khan an chairman Lalzuithanga kaihhruaiin an ṭhukhawm a; kum 2023-24 Urban Local Body Grant second instalment dawn a nih tawh chu ward tinah rualkhai taka hman dan tur an rêl.

LMC BoC ṭhutkhawmah hian councillor 11 leh LMC chief executive officer Donny Lalruatsanga te an tel. Kum 2023-24 ULB Grant second instalment dawn a ni tawh a, ward tinah rualkhai taka hmalak dan tur ruahman ni se, an ti. Kumin 2025-a Krismas bazar siam tura BoC-in a rel tawh bawhzui dan tur leh hmalak dan turah Task Force Committee an din a, committee hian ruahmanna duangin, BoC ṭhutkhawm lehah report an thehlut ang.

LMC-in mipui chhâwk zângkhai nan urban transport hnuaia khawpui chhunga bus service-tir tura rêl tawh chu grant-in-aid hmanga hmalak dan ngaihtuahpui turin sorkarah thlen an rel a; budget-ah telh tura chhawp chhuah ni se, an ti.

Garbage Free City Project chu LMC ward no. 1, 2, 9 leh 11-ahte kalpui mek a ni a; he'ng hmalakna atan hian ULB grant fied fund, Sanitation and Solid Waste Component aṭangin cheng nuai 40 BoC chuan an pawm bawk.