Agriculture Growth Centre sak endik

Mizoram State Project Monitoring Committee (MSPMC) chuan tun hnai khan Tuikual South-a Agriculture Growth Centre sak hna thawh mek an endik.

Endiknaah hian MSPMC vice chairman R Lal Rinawma hoin MSPMC member-te an tel a; ṭha tak leh chak zawka hna kalpui dan tur an sawiho nghal. Centre sak hna thawh tur aṭangin 20% zawh a nih tawh thu tarlan a ni.

Agriculture Growth Centre hi NEDP sum vbc. 43 senga sak tura ruahman a ni a, a satu atan August 27, 2018 khan restricted tender hmangin North East Consultancy Services (NECS) thlan a ni. Thla 36 (kum 3) chhunga sak zawh tura tih a ni a, November 22, 2022 khan sak ṭan niin, November 7, 2025-a sak zawh tura tih a ni.

Agriculture Growth Centre sak hna hi a tirah Agriculture & Farmers’ Welfare department enkawl a ni a, February 2025 khan Agriculture & Farmers’ Welfare department hian Mizoram PWD kutah an hlan a ni.