Inter College Quiz Competition-ah Mizoram Christian College pakhatna

ZOHANDCO chuan 11th National Handloom Day 2025 pualin Inter College Quiz Competition an buatsaih a, Mizoram Christian College pakhatna an ni.

Inter College Quiz hi August 6-7, 2025 zan khan buatsaih a ni a, Zorinpuii Hlawndo-in a kaihruai. Intihsiaka tel college pakua zingah Mizoram Christian College pakhatna an ni a, college quiz competition-a an tel vawi khatna niin, an champion nghal a ni. Pahnihna chu Hrangbana College an ni a, pathumna chu Aizawl North College an ni. Lawmmanah pakhatnain Rs 30,000, pahnihnain Rs 20,000 leh pathumnain Rs 10,000 an dawng.