2025-26-ah power man pek ṭhat vangin rebate Rs 1,86,61,767 hmu

Chief minister Lalduhoma chuan, Mizoram sorkarin kawlphetha leina (bill) a pek ṭhat avangin sorkar kum kal mek 2025-26 ah lawmman (rebate) Rs 1,86,61,767 hmuh lêt a nih tawh thu a tarlang.

CM Lalduhoma hian August 9, Inrinni khan social media account-ah Mizoram sorkarin kawlphetha bill a pek ṭhat avanga rebate a hmuh thu a tarlang a; sorkar kum kal mek 2025-26 ah rebate Rs 1,86,61,767 a hmuh a nih tawh thu leh, kum liam ta 2024-25 khan kawlphetha man pek ṭhat avangin Rs 2,21,39,318.68 hmu a nih thu a tarlang a ni.

Chief Minister chuan, "Power bill pek tlai vanga sum chawi (surcharge) titawp a, bill pek ṭhat vanga lawmman (rebate) hmu lêt thei zawk tura sorkar hmalakna chuan rah ṭha a chhuah zel a, sorkar/mipui sum renchemna ṭangkai tak a ni," a ti.