Tlawnga tla hlum ruang hmu

August 7, 2025 zana Tlawng Sihhmui kai aṭanga Tlawng luia tla hlum Lalsiamthari Sailo (33) d/o K Sangpuii, Bungkawn ruang chu August 9, Inrinni khan Hortoki bul Tlawng luiah hmuh a ni.

Lalsiamthari ruang zawng hian Bungkawn leh Sihhmui khawtlang bakah, Central YMA hnuaia Quick Respond Team an thawk chhuak a, Inrinni chawhnu dar 2:30 vel khan Tlawng lui Hortoki zâwnah hmeichhe ruang hmuh a ni. Lalsiamthari chhungte'n ruang thlalak an en hnuah amah ngei a ni tih an finfiah.

Lalsiamthari hi Hortoki Branch YMA-in kuang an siamsak a, a chhungte'n an zuk la a; Inrinni zan khan lumen a nih hnuah nimin chhun khan vui a ni.