PSU an hmuh dan CM hrilh

Mizoram Legislative Assembly hnuaia Commit-tee on Public Sector Undertakings member-te chuan nimin khan chief minister Lalduh-oma a pisaah an kâwm a, Mizoram sorkar hnuaia public sector undertakings (PSU) pali chungchanga an thil hmuhte an sawipui.

Chief Minister chuan, Assembly committee hrang hrangte'n Assembly-ah report an thehlut ṭhin tih sawiin, "Tuna Committee on PSU-te'n in report in thehluh hmaa inzirchianna behchhana in thil hmuh min rawn sawipui hmasa hi in bengvar a, kalphung ṭha zawk tur rawtna in rawn neih ngei ka beisei," a ti.

Committee rawtna chu House-ah thehlut thuai tura chahin Lalduhoma chuan, "A rang lama tihhlawhtlin kan duhin ka ring. In rawtnate pawm a harsat ka ring lo," an ti a, an thawhrim-naah a lawm thu a sawi.

Committee on PSU chairman H Ginzalala chuan, ZOHANDCO, MIFCO, MAMCO leh ZIDCO te kalpui zel dan tura rawtna an neih tlangpui a sawi a, "State dangahte kan zin a, an kal dan kan zir. Kan thil zirte aṭanga kan ram tana ṭha ber tur nia kan hriat report kan siam a, House-a thehluh thuai kan tum," a ti.