Thenzawlin peace city an thlawp

Thenzawl Joint VC kaihhruaia an khuaa tlawmngai pawlte leh political party tin aiawhte inhmukhawm chuan, Thenzawla peace city din tuma sorkar hmalakna chu an thlawp thu an tarlang a; sorkar hmalakna ṭawiawm turin Mizo mipui an ngen.

Thenzawl khawtlang hruaitute chuan, "Zo fate tana hmun him, Aizawl aṭanga hla lo, Aizawl khawpui nena ṭang kawp thei tur khawpui neih belh hi kan state hian a mamawh hle a, Pu Lalduhoma, Serchhip bialtu MLA, chief minister ni bawkin kan ram mamawh hriaa Thenzawl hmuna peace city din tura hma a la hi kan thlawp," an ti a; Thenzawl chu Mizoram hmun laili leh hmun rem, chhim leh hmar chhak leh thlang aṭanga pan awlsam a nih thu an tarlang.