KHAWTHLIR

Lei minna tlawh

ZPM MLA pathum - Dr Lorrain Lalpekliana Chinzah, T Lalhlimpuia leh Jeje Lalpekhlua te chuan nimin khan NH-54 Bualte leh Ṭhualṭhu inkara lei minna hmun an tlawh. Lunglei West bialtu T Lalhlimpuia leh Lawngtlai East bialtu Dr Lorrain Lalpekliana ten Bualte leh Ṭhualthu khawtlang hnenah Rs 10,000 ve ve an hlan a ni.

Serchhip zawk

Nimin August 11, 2025-a Vanglaini chanchinbu chhuaka Storytelling Competition chungchang news caption (heading)-a Saitual tih chu Serchhip tih zawk tur a ni. A chhung thuah chuan a dik vek thung.

Ṭanpuina hlan

Independence Day 2025 puala sorkarin Aizawl district-a home/centre 10 hnena ṭanpuina a pek tur chu nimin khan MHIP Gen. Hqrs president Lalliani'n a hlan. Home/centre 10 hnenah hian Rs 5,000 ṭheuh pek a ni a; sum inhlannaah hian Aizawl additional DC Zoramsiama Hmar leh IPR joint director Mina Zoliani te an tel a ni.