KHAWTHLIR

Kum 2019 fûr laia Khawthlangtuipui lian tuartu khaw paliachhungkaw 132 hnenah nimin khan Habitat for Humanity India leh Baptist Church of Mizoram (R&D) ṭangkawpte'n chhungkaw mamawh hrang hrang an sem. Ṭanpuina hi chhungkaw 132 hnenah pek a ni a;chhungkuaa inhmanṭawm theih thil - tui dahna, tui tihthianghlimna, hrûkpuan, ha 

nawhna leh hahlo leh sahbawnte a ni.

Lungleia pungkhawm

Lunglei District Congress Committee (LDCC) chuan nimin khan Lungleia MIZOFED dawr kawtah schedule tribe, schedule caste leh other backwarded class (OBC)-te tana seat reservation tihtawp tum an duh lohzia lantirin an pungkhawm. He hunah hian mi ṭhahnem tak an tel a, Congress party hruaitute bakah, zirlai pawl hruaitute pawhin thu an sawi a ni.

Khawzawl Integrated Child Development Services (ICDS) Project chuan nimin khan Khawzawl Electric Veng YMA hall-ah 'Project Level Seminar' leh Mizoramin Poshan Abhiyaan hnuaia tiṭha lawmman a dawn lawmna an buatsaih. Seminar-ah hian Khawzawl CDPO Lalrinmuana chuan anganwadi thawktute fuihin, naupangte enkawltu, nu leh pate rin ngam an ni tih inhre thar turte leh rinawm leh taima taka hna thawk turin a chah. Poshan Award lawm nan hian tlaiah ruai an ṭheh a; Khawzawl bakah, Chawngtlai, Tual­te, Ngaizawl, Rabung, Aiduzawl, Pàmchung, Khualen leh Neihdawn khua aṭangin anganwadi worker leh helper mi 120 vel an tel a ni.MJA Lawngtlai

Hruaitu thlang

MJA, Lawngtlai District chuan nimin khan Lawngtlai Press Club-ah Annual Conference an hmang. Inkhawm hi Lawngtlai MJA vice president Lalngheta Ralte-in a kaihruai a, president ZD Dengngura leh IPRO C Lalhruai­tluanga ten thu an sawi. Kum 2020-2022 

chhunga office bearer turte an thlang a, president atan Lalngheta Ralte, vice president atan Elvis Lalthangzuala leh treasurer atan H Lalrinmawia te an thlang a ni.