Hâlpuah leh hâlmawi Hâl vangin mi 2 man
Krismas leh kum thar hunpui vuakvêtah Mizoram sorkarin hâlpual leh hâlmawi hman leh hàl khap mah se, December 31 - kum hlui thlah zan leh kum thar lawm zan khan Aizawlah an hâl nasa hle. Hâlpuah leh hâlmawi hàl kaihhnawihah police-in mi pahnih chiah an man.
Police hotute hnen aṭanga Vanglaini thu dawn danin, hàlmawi leh hàlpuah hàl a nih lohna turin theihtawp chhuah mah se, tum angin an indang thei lo. Hemi kaihhnawihah hian mi pahnih chiah man an ni.
Police hotute chuan, December 31 zana hàlpuah/ hàlmawi hàl tam ber chu van sanga puak chi a nih avangin khawi aṭanga hâl nge tih chhui chhuah a buaithlak thu leh, finfiahna tel lo chuan mi man ngawt chi a nih loh thu an sawi.
A tuk khawvar hnuah police-ten phal loh thil halna hnuhma atangin hnuchhui tum mah se, hnuhma tihfai a nih zel avangin man tur an awm lo a ni. Halpuah leh halmawi zuar chu mi panga man an ni.