Deputy CM-in New Market in thar a hawng

Deputy chief minister Tawnluia chuan nimin khan Aizawl New Market in thar  a hawng. Hawnna inkhawmah hian Commerce & Industries minister Dr R Lalthangliana leh bialtu MLA Robert Romawia Royte, minister of state-te chu khualzahawm an ni.

Tawnluia chuan, khawtlang hruaitute leh district council hotute ṭhahnemngaihna azarah Aizawlah sumdawnna hmunpui din a nih thu a sawi a, "Hun kal zelah building ṭha zawk mamawh a ni tih sorkarin a hria a, kum 2016 khan building hlui zawk chu a him tâwk lo tih DMR department mithiamte'n an sawi chu sorkarin ngai pawimawhin, vanduai mangkháwng a ni thei tih a hria a, building thar mi 1,000 chuang inpho theihna sak ṭan a ni," a ti.

Commerce & Industries minister Dr R Lalthangliana chuan, Covid-19 léng karah sorkar kaihhruaina zawma New Market in thar hawn a ni chu lawmawm a tih thu sawiin, a buatsaihtu Commerce & Industries department chungah lawm thu a sawi. Minister Robert Romawia Royte-in thu a sawi bawk.