Aizawlah heroin hawng 323 man

Excise & Narcotics department (END), Central Anti Drug Squad leh Assam Rifles te ṭangho chuan August 11, Thawhṭanni zing dar 8:45 khan Ṭhuampui, Aizawlah heroin gram 35 (hawng 3) leh a neitua puh Vanlalrinawma (22) s/o Lenmanga (L), Zarkawta khawsa nia inchhál

an man.

Heroin man chhui zuinaah August 11 vêk chhun dar 12:45 khan Bawngkawnah heroin gram 253 (hawng 22) an man leh a; a neitua puh - Agnes Lalrempuii (23) d/o Zoliansanga, Muthi (Bawngkawn Venglaia khawsa mek) nia inchhal leh Lalngaihpuii (31) d/o Zoramliana, Diltlang, Champhai district (Durtlang Venglaia khawsa mek) nia inchhálte an man nghal. Mi pahnih inpuanna aṭangin chawhnu dar 2:45-ah Zuangtuiah heroin gram 135 (hawng 12) man leh bawk.

August 11-a heroin mante hi gram 323 (hawng 37) a ni a; The Narcotic Drugs & Psychotropic Substances Act, 1985 tlawhchhanin thubuai ziah luh a ni.