Har Ghar Tiranga Yatra huaihawt

Nimin khan Lunglei, Lawngtlai leh Hnahthialahte India hnam puanzar kenga kawngzawh, Har Ghar Tiranga Yatra huaihawt a ni a, sorkar official-te leh zirlai ṭhahnem tak an tel.

Lungleiah chuan DC pisa huaihawtin Tiranga Yatra buatsaih a ni a, Independence Day lawmnaa lám (parade) turte'n C Ṭhuamluaia Mual aṭangin hnam puanzar kengin kawng an zawh. District bawrhsap Navneet Mann leh SP J Lalmuankima ten an telpui a ni.

Lawngtlaiah chuan zing dar 7-ah kawngzawh ṭan niin, Chandmary Square aṭanga Areopagy thleng an kal a, Lawngtlaia zirlai, zirtirtu leh sorkar hnathawkte an tel. Areopagy-a khârna inkhawmah hian ruihhlo do beihpui thlakna - Nasha Mukt Bharat Abhiyaan hnuaiah ruihhlo laka fihlim tura intiamna thu sawi rual a ni.

Hnahthialah chuan HDFA Turf Ground aṭanga Nauhruaikawn thleng kawng zawh a ni a, Hnahthiala sikul naupangte an tel. Kawngzawh tawpna hmunah additional DC Zothanmawia Khiangte-in Har Ghar Tiranga hman chhan a sawifiah a; Nasha Mukt Bharat Abhiyaan pualin ruihhlo ti lo tura intiamna thu sawi rual a ni bawk.