Minister-in Revenue Branch a hawng

Land Revenue & Settlement (LRS) minister B Lalchhanzova chuan nimin khan Khawzawl DC pisaa Revenue Branch thar a hawng a; Revenue Branch thara thawk turte chu harsatna leh buaina karah pawh chhel taka thawk ṭhin turin a fuih.

B Lalchhanzova chuan, LRS department chu kawng hrang hranga thuam ṭhat mek a nih thu leh Khawzawl district-ah chauh lo pawh hma an lak zel dawn thu a sawi a, "Online hmanga Revenue dawr theihna turah pawh hmalak mek a ni. Revenue Branch thara officer leh staff thawk turte hian dawrtute tana biak nuam, mipui dawngsang thiam i nih a pawimawh a, harsatna leh buaina karah taima tak leh chhel taka thawh a pawimawh," a ti.