Game Base Entrepreneurship Development

5th January, 2021

Planning & Programme Implementation department hnuaia Entrepreneurship Development Centre (EDC) chuan Mizoram University Incubation Centre leh SkillEIT- Upskill for Future nena ṭanghoin December 28, 2020 aṭang khan Game Base Entrepreneurship Development Programme a buatsaih mek.

Game Base Entrepreneurship Development Programme hi thla khat awh tur niin, zirlaite tan buatsaih a ni a, higher secondary school leh college zirlaite'n entrepreneurship chungchang leh a kalhmang game hmanga an zir theih dan tur online hmangin buatsaih a ni.

Programme-ah hian zirlai 59 an tel a, course 12-ah ṭhen a ni a; chu'ngte chu - startup journey game, design thinking, user centric model, idea generation and validation, empathy mapping, user persona, proof of concept, building and validating MVP, business canvas, financial modelling, pitch deck leh digital microlaunch te a ni.