Covid-19 vangin mi 65,340 man tawh
Nimin zing dar 9 thleng khan Mizoramah Mizoram (Containment and Prevention of Spread of Covid-19) Act, 2020 bawhchhia mi 65,340 man an ni tawh a, chu'ng mite sum chawi tling khawm chu Rs. 1,22,50,300 a tling.
Covid-19 Ordinance/Act bawhchhia man zingah Aizawl district-a man an tam ber a, mi 35,084 an ni. Man an tlemna ber Saitual district-ah mi 1,188 man an ni thung. Dan bawhchhia man zingah hian hmâi tuam loh vanga man an tam ber a ni.
Covid-19 Act bawhchhia man zat
(January 4, 2020. 9:00 a.m.)
District Man zat Sum chawi
Aizawl 35,084 Rs. 70,53,800
Lunglei 4,447 Rs. 9,57,600
Siaha 1,189 Rs. 1,73,300
Champhai 2,550 Rs. 4,05,300
Kolasib 2,377 Rs. 2,52,500
Serchhip 4,197 Rs. 5,55,900
Lawngtlai 5,433 Rs. 7,90,000
Mamit 2,052 Rs. 2,42,000
Saitual 1,188 Rs. 2,33,500
Khawzawl 3,599 Rs. 5,41,200
Hnahthial 2,019 Rs. 2,14,000
Traffic Police 1,205 Rs. 8,31,200
TOTAL 65,340 Rs. 1,22,50,300
Danin hrem theih a tarlante
1. Vantlang hmuna hmai tuam lo Rs. 100 chawitir theih.
2. Physical distancing (ft. 6 aia hnaia awm khawm phal loh) zâwm lo Rs. 200 chawi.
3. Vantlang hmuna chil chhâk Rs. 300 chawitir theih.
4. Phalna la hmasa loa sakhaw thil leh vantlang thila punkhawm huaihawt Rs. 5,000 chawi.
5. Phalna la hmasa loa ramri pêla lut leh chhuak Rs. 5,000 chawitir.
6. Khung hran (quarantine) tur ni si, duh lote Rs. 3,000 chawitir theih.
7. Quarantine centre aṭanga awm hun a zawh hmaa chhuak Rs. 1,000 - 5,000 chawitir theih.
8. Quarantine-a awm laia kaihhruaina zawm loh vanga mi dang himna tiderthâwngtu Rs. 500 chawi.
9. Central leh state sorkarin Covid-19 donaa inkaihhruaina a siam leh inkhârkhip thupek a siamte zâwm lo Rs. 1,000 chawitir theih.
10. Covid-19 vei leh vei rinhlelhte nihna leh chanchin leh an thlalak phalna nei loa thehdarhtu thla 3 chhung tàntir leh Rs. 5,000 thleng chawitir theih.