GAC Inter HSS Dance Competition

Aizawl College (GAC) chuan kum 50-na, golden jubilee an lawmna chi khat, Inter Higher Secondary School Dance Competition an buatsaih chu nimin khan GAC Basketball Court-ah zawh a ni a, bialtu MLA Lalchhuanthanga'n nimina a khârna in­khawm a hmanpui.

Inter HSS Dance Competition-ah hian HSS 10 an tel a, chheihlâm leh western dance hmangin an intihsiak a; Synod HSS pakhatna niin, Mizo HSS pahnihna an ni.

Aizawl South-II bialtu MLA Lalchhuanthanga chuan, GAC golden jubilee lawmna atana hun an hman dante chu entawn tlak a tih thu sawiin, Mizo hnam làmte chawi nung zel tur leh duhthlanna dik siam a, eizawnna dap thiam turin zirlaite a fuih. MLA hian GAC hnenah ṭanpuina Rs 50,000 a hlan nghal.

GAC hi kum 1975-ah din a ni a, BA, BCom leh MA (Education) zirna awmin, zirlai 1,940 an awm mek a ni.