Aizawl dist-ah vawk lak luh khap

Aizawl district magistrate Lalhriatpuia chuan thupek chhuahin, Aizawl district-ah district páwn aṭangin vawk, vawksa leh vawksa aṭanga siam ei tur lak luh khap a nih thu a puang.

Aizawl Bawrhsp chuan, vawk damlo rêng rêng talh leh hralh khap tlat a nih thu a tarlang a, "Vawk damlo chu dah hran vat tur a ni a, vawk thi rêng rêng bawlhhlawh paihna hmunah leh luikawrah paih mai mai loh tur a ni. Vawk thite chu lei thûk takah disinfectant nen phûm tur a ni," a ti a; vawk thi awmna vawk-in leh a velte disinfect-a tihfai vek tur a nih thu a tarlang.

Vawk damlo leh thi a awmin AH&Vety department hotute hriattir turin Magistrate chuan Aizawl disitrict mipui a hriattir a; Aizawl district-a khua leh khua emaw, veng leh veng emawa vawk inlakpawh tawn turte chu vawk hrisel ṭha chauh la tur leh vawk damlo, ASF kai nia rinhlelh awmna khua/veng aṭangin vawk lak luh leh lak chhuah khap tlat a nih thu a tarlang bawk.