Khawzawlah Tiranga Rally huaihawt

Nimin zing khan Khawzawlah Taidawnkawn aṭanga DC pisa thleng Har Ghar Tiranga Rally huaihawt a ni a; sorkar official-te leh zirlaite'n hnam puanzar kengin kawng an zawh.

Kawngzawh puala inkhawm chu Khawzawl Joint VC president C Vanlalzawna’n a kaihruai a; Khawzawl SDC R Lalrinhlua'n thu sawiin, Har Ghar Tiranga campaign awmzia te, India ramin zalenna a neih hlutzia te, hnam puanzar chungchangte a sawifiah.

Khawzawlah hian August 13, Nilaini zing khan Nasha Mukt Bharat Abhiyan (NMBA) kum 5 tlin pualin ruihhlo dona kawngzawh buatsaih a ni a, chawhnu lamah Zaingen YMA Hall-ah inkhawm buatsaih a ni.

NMBA Walkathon-ah hian Khawzawla sikul hrang hranga zirlai te, NMBA hruaitute leh DC pisaa thawkte an tel a; Vengthar Chhipchhuat bazar aṭangin Taidawnkawn thleng an kal. Ruihhlo dona thutiam an sawi rual bawk.